Mirşahin: "Hansısa İlkin Həsəni..."
22-05-2015, 17:08. Yazar: Fehrad
ANS Şirkətlər Qrupunun vitse-prezidenti Mirşahin Ağayev ATV-nin aparıcısı İlkin Həsəninin səsləndirdiyi fikirlərə cavab verib
Xeberaz.az xəbər verir ki, M.Ağayev ölkə.az-ın əməkdaşıyla söhbətində məsələyə münasibət bildirmək istəmədiyini söyləsə də, teleaparıcı barədə bəzi ifadələr səsləndirib:
"Gəlin belə danışaq da. Siz ANS-in vitse-prezidentinə, baş direktora zəng vurub, hansısa İlkin Həsəniylə bağlı söz soruşursunuz. Mən belə müraciətləri qəbul etmirəm".
Əməkdaşımızın "Telekanalınızın əməkdaşları rəhbərliyin icazəsi olmadan danışmırlar" xatırlatmasından sonra M.Ağayev bunları deyib:
"Başa düşdüm, başa düşdüm... Hesab etmirəm ki, İlkin Həsəni Mirşahinin cavab verəcəyi pilləkəndir, yaxud pilləkənin bir bölməsidir. Bu, tamamilə başqa şeydir, nə lazımdırsa, müəllifdən soruşun".
Qeyd edək ki, İlkin Həsəni ANS-in əməkdaşı Ləman Ələşrəfqızının Mətanət Əliverdiyeva haqda hazırladığı süjetə sosial şəbəkədə belə cavab vermişdi:
"14 ildir TV-də işləyirəm, bu 14 ildə çox şey gördüm, amma bir telekanalın digərinə qarşı etdiyi belə bir ŞƏRƏFSİZLİYİ görmədim! Bəs hanı sizin jurnalist həmrəyliyiniz, hanı dəqiqliyiniz, qərəzsizliyiniz? Başa düşürəm, TV adlandırdığınız o konslagerinizdə bəzi işçilərinizin qədrini bilmədiz, onlar ATV-yə gəldilər, hörmət, azadlıq və yüksək maaş gördülər, amma belə etməməli idiniz! Bu gün siz rəsmən ATV kanalına efir müharibəsi elan etdiniz! Ok, olsun!"
Geri dön