Qida üçün yararsız balıqların satışının qarşısı alınıb
19-09-2016, 18:43. Yazar: Xeberaz
Sentyabrın 17-də Sumqayıt şəhər Baytarlıq İdarəsinin əməkdaşları tərəfindən şəhərdə təşkil olunmuş kənd təsərrüfatı yarmarkasında heyvandarlıq məhsullarına baytarlıq nəzarəti həyata keçirilib.
Neftçala rayonundan alınıb yarmarkaya satış məqsədi ilə gətirilmiş müşayətedici sənədi olmayan, orqanoleptik göstəriciləri standarta uyğun olmayan, pis qoxusu olan, 44-BM 957 dövlət nömrə nişanlı avtomobildə antisanitar vəziyyətdə daşınan Masallı rayon sakini Əsədov Firudin Şakir oğluna məxsus 179 kq, Sumqayıt şəhər sakini Qarakişiyev Arif Cavad oğluna məxsus 27 kq (cəmi 206 kq) çəkisində olan insan qidası üçün yararlığına şübhə yaradan balıqlar aşkar edilib və satışdan çıxarılıb.
Respublika Baytarlıq Laboratoriyasında aparılan bakterioloji müayinələrin nəticəsinə əsasən balıqlarda aeromonoz və saprolegniz xəstəliyinin törədiciləri aşkar edilib.
Respublika Baytarlıq Laboratoriyasının 19 sentyabr 2016-cı il tarixli, 0959 nömrəli ekspertizasının nəticələri nəzərə alınaraq balıqların zərərsizləşdirilməsinə qərar verilib.
Geri dön