“Apple” 2 milyondan artıq “Watch Series” saatı istehsal edəcək
13-09-2016, 00:24. Yazar: Xeberaz
“Apple” şirkəti rəqəmsal cihazlar bazarını özünün “iWatch” smart-saatları ilə fəal olaraq doldurmaqda davam edir.
Şirkət rəhbərliyi 2 milyon ədədə qədər cihazlar üçün komponentlərin tədarükünü artırıb.
Bu ilin ikinci rübünün yüksək nəticələri göstərir ki, “Apple Watch” cihazlarının satışı 1,6 milyon ədədə çatıb. Bu tələbat “Apple” korporasiyasına müsbət təsir göstərib və bu səbəbdən III-IV rüblərdə şirkət 2 milyondan artıq ədəd analoji cihaz istehsal etməyi planlaşdırır. Məhz bunun üçün şirkətdə lazımi qədər ikinci nəsil “Apple Watch” üçün komponentlərinin alışını həyata keçiriblər.
“Ağıllı” saatlara gəldikdə isə “Apple Watch Series 2”nin təqdimatı “iPhone 7” smartfonu ilə eyni gündə baş tutub. Cihaz sukeçirməz ekrana, dəyişik kəmərlərə və basılma səviyyəsi cavab verə bilən sensor displeyə malikdir. Bütün bunlardan başqa, saatın GPS sistemi mövcuddur, onun platforması isə tam olaraq dəyişdirilib və yenidən işlənilib.
Korporasiyanın özündə isə bu məhsulun nəhəng uğurunun olacağına birmənalı olaraq əmindirlər.
Geri dön