“iPhone 7”də internet sürətli olacaq
10-09-2016, 09:18. Yazar: Xeberaz
Yeni "iPhone 7" smartfonları "LTE-Advanced cat.9" standartındakı şəbəkədə çalışacaq.
"Xəbəraz.az " lent.az-a istinadən bildirir ki, bu barədə "Apple" korporasiyasının saytında məlumat verilib. Bu standart mobil internetin sürətini 450 mbit/saniyə gücündə təmin edir.
"Gazeta.ru" yazır ki, Rusiyanın mobil operatorları artıq öz şəbəkələrinin yeni sürəti dəstəkləməsi üçün hazırlığa başlayıb. Belə ki, "Meqafon" gələn ildən Moskva və Sankt-Peterburqdakı abunəçilərinə bu sürəti təqdim edəcək. "Hələ 2015-ci ildə biz paytaxtdakı şəbəkəmizdə mobil cihazların 450 Mbit/saniyə sürət həddində işləməsini sınaqdan keçirmişik. Gələn il Moskva və Peterburqda yaşayan müştərilərimiz 600 Mbit/saniyəyə qədər sürət əldə edəcək", - deyə şirkətdən bildirilib.
Xatırladaq ki, "Apple" sentyabrın 7-də "iPhone 7" və "iPhone 7 Plus" smartfonlarını təqdim edib.
Geri dön