Bakıda 12 yaşlı dilənçi faciəvi şəkildə öldü - SƏBƏB AÇIQLANDI
29-08-2016, 21:33. Yazar: Xeberaz
12 yaşlı dilənçinin ölüm səbəbini müəyyənləşdirmək üçün meyiti ekspertizaya göndərilib.
Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyindən verilən məlumata görə, laborator müayinələr üçün meyitdən zəruri bio-materiallar götürülüb və şöbələrə göndərilib.
İlkin şübhəyə görə, 12 yaşlı uşağın ölümünə səbəb zəhərlənmə olub.
***
Bakının Nəsimi rayonunda 12 yaşlı uşağın meyiti aşkarlanıb.
"Xəbəraz.az "-ın Report-a istinadən məlumatına görə, hadisə M.Cəlal küçəsi ev 205-in qarşısında qeydə alınıb.
Həmin ünvanda Yevlax rayon sakini 2004-cü il təvəllüdlü Əlixan Məmmədovun üzərində zoraklıq əlamətləri görünməyən meyiti aşkar olunub.
Ə.Məmmədovun dilənçiliklə məşğul olduğu ehtimal edilir.
Faktla bağlı Nəsimi Rayon Prokurorluğunun əməkdaşları tərəfindən istintaq davam etdirilir.
Fərizə
Geri dön