Hitlerin "qızıl qatarı" AXTARILIR
16-08-2016, 22:30. Yazar: Xeberaz
Avqustun 16-da Polşada Hitlerin “qızıl qatarının” axtarıldığı yerə ağır texnika gətirilib və qazıntı işləri başlayıb.
Təşkilatçıya təxminən 40 min dollara başa gələn axtarışlarda 70-dək mütəxəssis iştirak edir.
Polşada nasist Almaniyasının 150 metr uzunluğunda olan və qiymətli metallar, həmçinin qızıl daşıyan zirehli qatarı “qızıl qatarı” adlandırılır. II Dünya müharibəsinin sonlarında qatar almanlara məxsus Breslau (hazırda Polşanın Vrotslav şəhəri) qalasından çıxaraq Valbjixə yollanan zaman müəmmalı şəkildə yoxa çıxıb.
Alimlər və dəfinə axtaranlar qatarın SSRİ aviasiyasından gizlənmək üçün tunellərdən birinə girdiyi və sonradan həmin tunelin bombardman nəticəsində dağıldığı barədə dəfələrlə ehtimallar irəli sürüblər./AZƏRTAC/
Geri dön