İranlı kişilər hicaba “YOX” dedilər - FOTOLAR
11-08-2016, 12:40. Yazar: Xeberaz
İranlı kişilər bütün qadınları hicab taxmağa məcbur edən qanuna qarşı etiraz edib.
"Xəbəraz.az " Publika.aza istinadən xəbər verir ki, iranlı kişilər qadınlar ilə həmrəy olduqlarını sosial şəbəkələr vasitəsilə bildirib. Kişilər baş örtüyündə çəkdiyi şəkilləri sosial şəbəkələrdə #MenInHijab həştəqi ilə paylaşıb.
Xatırladaq ki, İranda qadınları hicab bağlamağa məcbur edən mühafizəkar qanunlar 1983-ci ildən tətbiq edilib. Bu qanunun əsas məqsədi qadınlara qarşı cinsi zorakılığın qarşısının alınmasıdır. O vaxtdan qadınlar ədəbli geyinməyə və ictimai yerlərdə hicab taxmağa borcludur. Hətta qadınların itaətsizliyi halda burada ağır cəzalar tətbiq edilir. Lakin son illərdə qadınlar ayağa qalxmağa başlayıb.
Belə ki, 2014-ci ildə iranlı jurnalist Masix Alinecad "Mənim gizli azadlığım" adlı onlayn-hərəkat yaradıb. O, hicab əleyhinə yönəlib. Onun kampaniyalarından biri məhz #Menınhijab həştəqidir. O, qadın hüquqları uğrunda çıxış edir və çıxışlarında qadın azadlığının pozulmasını ön plana çəkir. Kişilər isə ictimai yerlərdə hicab taxmaqla internet vasitəsi ilə etirazlarını açıq şəkildə ifadə edirlər.
Geri dön