Ana Sayfa > Karusel / Gündəm > Şirvandan olan deputat: "Şayiə yayıb, ictimaiyyəti çaşdırmağa çalışanlar var”
Şirvandan olan deputat: "Şayiə yayıb, ictimaiyyəti çaşdırmağa çalışanlar var”28-07-2016, 10:46. Yazar: Xeberaz |
“Bu gün müdafiə sənayesi naziri Yavər Camalov ilə birgə Şirvanda nazirliyin zavodu ərazisində baş verən partlayış ərazisində olduq, hadisə zamanı xəsarət alan yaralılarla, dünyasını dəyişən 2 şəxsin ailələri ilə görüşdük. Şəhərdə heç bir ajiotaj yoxdur, hazırda tam sabitlikdir və hər kəs bunu bir qəza olduğunu deyir”. Bunu APA-ya açıqlamasında Milli Məclisə Şirvan şəhərindən seçilmiş deputatRəfael Cəbrayılov ötən gün şəhərdə Müdafiə Sənayesi Nazirliyinin zavodunda baş vermiş partlayışla bağlı son durumu şərh edərkən bildirib. O qeyd edib ki, süni şəkildə yaralananların və ölənlərin sayını şişirdirlər ki, ictimaiyyəti qəsdən çaşdırsınlar: “Hadisə zamanı iki nəfər dünyasını dəyişib. Onlardan biri bizim qonşudur. Bu gün dəfndə iştirak etdik. Xəstəxanada 5 nəfər yaralı da var ki, onların da heç bir həyati təhlükəsi yoxdur". Geri dön |