Salyanda elektrik xəttinə toxunan traktor yanıb - 1 yaralı
17-07-2016, 20:19. Yazar: Xeberaz
Salyan rayonunun Həsənli kəndində ot bağlamaları daşıyan “MTZ” markalı traktorun qoşqusu ehtiyatsızlıq üzündən yüksək gərginlikli elektrik xəttinə toxunub
"Xəbəraz.az " saytı Şirvan bürosunun əldə etdiyi məlumata görə, hadisə nəticəsində qoşquda ot tayasının üstündə oturmuş 24-yaşlı Ağayev Səyyad Rafiq oğlunu elektrik cərəyanı vurub və yanğın baş verib. Ağır yanıq xəsarətləri almış S.Ağayev dərhal Salyan Mərkəzi Rayon Xəstəxanasına gətirilərək tibbi-yardım göstərilsə də, vəziyyəti ağır olduğundan Bakı şəhərindəki Mərkəzi Kilinik Xəstəxananın yanıq şöbəsinə aparılıb.
Hadisə yerinə gəlmiş yanğınsöndürənlər tərəfindən alovun yaxınlıqdakı ot sahələrinə keçməsinin qarşısı alınıb.
Faktla bağlı Salyan Rayon Prokurorluğunda araşdırmalara başlanılıb.
Geri dön