Nazir general və polkovniki təqaüdə göndərdi
9-07-2016, 20:03. Yazar: Xeberaz
Daxili İşlər Nazirliyinin Baş İctimai Təhlükəsizlik İdarəsinin rəisi, polis general-mayoru Cavanşir Məmmədov yaş həddinə görə təqaüdə göndərilib.
APA-nın məlumatına görə, C.Məmmədov bu vəzifəyə 1995-ci ilin iyun ayından təyin olunub.
C.Məmmədov 1976-cı ildən daxili işlər orqanlarında xidmət edib. 1989-1992-ci illərdə Bakı şəhəri Baş Polis İdarəsinin rəis müavini, 1992-1993-cü illərdə Bakı şəhəri Qaradağ Rayon Polis İdarəsinin rəisi, 1993-cü ildə isə Bakı şəhəri Baş Polis İdarəsinin rəisi vəzifələrində işləyib.
O, ictimai təhlükəsizliyin qorunması, sabitliyin bərqərar olunmasında, habelə respublikamızda keçirilən beynəlxalq əhəmiyyətli tədbirlərdə uğurlu nəticələrə və müsbət göstəricilərə, həmçinin uzun illər səmərəli və qüsursuz xidmətlərinə görə ölkə və DİN rəhbərliyi tərəfindən müxtəlif mükafatlara layiq görülüb.
Məlumatı DİN-dən təsdiqləyiblər.
***
Daxili İşlər Nazirliyinin (DİN) Əsaslı Tikinti İdarəsinin rəisi işdən çıxarılıb.
Report-un məlumatına görə, həmin idarənin rəisi, polis polkovniki Qasım Əliyev yaşla əlaqədar təqaüdə göndərilib.
Geri dön