Villa və bahalı maşına görə əlavə vergi
2-07-2016, 18:38. Yazar: Xeberaz
Qırğızıstan hökuməti villaların, bahalı avtomobillərin sahiblərindən daha çox vergi tutulması təklifini irəli sürüb.
"Xəbəraz.az " AzərTac-a istinadla xəbər verir ki, bu məsələ ilə bağlı hazırlanan qanun layihəsinə görə, əmlakın böyüklüyü və zənginliyindən asılı olaraq, verginin miqdarı dəyişəcək. Belə ki, 200 kvadratmetrdən çox mənzil sahəsi üçün əmlakın dəyərinin 0,5 faizi, 300 kvadratmetrdən artıq mənzil sahəsi üçün isə 0,8 faizi məbləğində vergi tutulacaq.
Avtomobillər üçün verginin miqdarı isə istehsal ili və mühərrikin həcminə görə müəyyən olunacaq.
Qanun layihəsi müzakirə edilməsi üçün Qırğızıstan hökumətinin rəsmi saytında yerləşdirilib.
Geri dön