Üçəmlərdən sonuncusu dəfn olundu - FOTO
1-07-2016, 16:15. Yazar: Xeberaz
Salyan rayonunda doğulan üçəmlərdən sonuncusu dəfn olunub.
"Xəbəraz.az " report-a istinadən bildirir ki, körpənin meyiti doğmalarının iştirakı ilə bu gün günorta saatlarında rayona yola salınıb və Cümə məscidinə gətirilərək yuyulub.
Bundan sonra körpənin meyiti evə, oradan da qəbiristanlığa aparılıb və qardaşlarının yanında torpağa tapşırılıb.
Ölən körpələrin nənəsi Şəlalə Abdullayeva bu işdə günahı olanların cəzalandırılmasını istəyir.
Qeyd edək ki, Salyan şəhər, Həsən Məmmədov küçəsi, ev 6 ünvanında yaşayan 21 yaşlı Mirzabitə İlham qızı Abdullayeva Salyan Rayon Mərkəzi Xəstəxanasında üçəm dünyaya gətirib. Lakin doğuşdan 6 saat sonra xəstəxananın elektrik enerjisi kəsilib və şüşə altında (küvez) saxlanılan körpələrdən ikisi oksigen çatışmazlığından ölüb, sağ qalanı isə dünən Bakıda dünyasını dəyişib.
Geri dön