850 min cihaza ziyan vuran yeni virus - ALLAHSIZ
27-06-2016, 13:27. Yazar: Xeberaz
Mütəxəssislər “Android” əməliyyat sistemli cihazlarda yeni virusun yayıldığını müəyyən ediblər.
İKT.lent.az-ın “Phone Arena” resursuna istinadən məlumatına görə, bu barədə “Trend Micro” tədqiqat şirkətinin araşdırmalarından bəlli olub.
“Godless”, yəni “Allahsız” adlandırılan yeni virus hətta heç bir antivirus proqramı tərəfindən də müəyyən edilmir.
Şirkətin məlumatına görə, virus “Google Play”də olan əlavələr vasitəsilə yayılır. Casus-əlavə cihazın sahibi haqqında bütün məlumatları toplayır və çox güman ki, qarətçilərə ötürür. Bu zəiflik OS 5.1 və daha yuxarı versiyalı “Android” smartfonlarında aşkar edilib.
Mütəxəssislər iddia edir ki, ziyanverici virusu heç bir antivirus və hətta “Google” servisləri müəyyən edə və izləyə bilmirlər. Artıq bütün dünya üzrə bu virusun təxminən 850 min cihazda yayıldığı bildirilir. Rusiyada bu virus 16 min cihazda aşkar edilib.
Geri dön