“Əsəd heç vaxt Türkman dağını ala bilməyəcək”
19-06-2016, 17:08. Yazar: Xeberaz
Türkman dağı Bəşər Əsədin əlinə keçməyib və heç vaxt da bizdən ala bilməyəcək.
"Xəbəraz.az " “Anadolu Agentliyi”nə istinadən xəbər verir ki, bu sözləri Suriya Türkman Məclisinin sədri Emin Bozoğlan deyib.
Onun sözlərinə görə, Türkman dağı itirilməyib və əldən çıxan bir neçə kənd geri qaytarılıb:
“Rejim Rusiyanın bombardmanı və pilotsuz uçan aparatların dəqiq atışı ilə hücuma keçdi. Nəticədə 4 kəndimizi itirdik. Dünən səhər saatlarından etibarən isə biz əks hücuma keçdik. Gün ərzində şiddətli qarşıdurmalar baş verdi. Nəticədə 4 gün əvvəl itirdiyimiz vətənimizi geri aldıq. Bu, bizə böyük güc verdi. Əzmlə mübarizəyə davam edəcəyik. Türkman dağı Əsədin əlinə keçməyib və heç vaxt da bizdən ala bilməyəcək. Mediada yayılanlar doğru deyil. Döyüşçülərimiz Əsəd və Rusiya qüvvələrinə qarşı var gücləri ilə mübarizə aparırlar”.
Geri dön