Arda Turanı göydən yerə vurdular
14-06-2016, 11:38. Yazar: Xeberaz
Türkiyənin keçmiş hakimlərindən Ərman Toroğlu Arda Turanı sərt tənqid edib.
"Xəbəraz.az " xəbər verir ki, Ərman Toroğlu “Sabah” qəzetindəki köşə yazısında Arda Turan haqda ağır ifadələr işlədib. O, futbolçunun Xorvatiya ilə oyunda göstərdiyi performansından söz açarkən ironik şəkildə onun futbol oynamaqdan deyil, reklam çəkilişlərindən yorulduğunu bildirib:
“Arda Turan oyundan çıxana qədər bir nəfər azlıqda oynadıq. Arda reklam çəkilişlərinə görə çox yorulub! Futbol çənə ilə oynanılmır, qaçaraq oynanılır. Arda milli yığmanın düşünən beynidir... Ancaq nəinki qaça, heç yeriyə də bilmir. 20 metrlik ərazidə futbol oynayır. “Hər ötürməni mənə verin, qolları mən vurum”, - deyir”.
Qeyd edək ki, Türkiyə millisi Avro-2016-dakı ilk matçında Xorvatiyaya Modriçin qolu ilə 1-0 məğlub olub.
Geri dön