Ana Sayfa > Karusel / Gündəm / M2 > Bu, Azərbaycanın uğurlu nəticələrindəndir - BMT

Bu, Azərbaycanın uğurlu nəticələrindəndir - BMT


11-06-2016, 21:15. Yazar: Xeberaz

Bu, Azərbaycanın uğurlu nəticələrindəndir - BMT
UNESCO-nun Türkiyə Strateji və Diplomatik Biliklər Mərkəzinin idarə heyətinin sədri xanım Selin Şenocak Beynəlxalq Avrasiya Mətbuat Fondunun (BAMF) ofisində olub.

"Xəbəraz.az " xəbər verir ki, görüşdə BAMF-ın sədri Umud Mirzəyev Azərbaycanda vətəndaş cəmiyyəti sektorunun hazırkı vəziyyəti və bu sahədə atılan addımlar barədə məlumat verib. O, BMT-nin İqtisadi və Sosial Şurasının (ECOSOC) QHT bölməsinin ən yüksək statuslu üzvü kimi rəhbərlik etdiyi təşkilatın fəaliyyəti və gələcək layihələri barədə danışıb. Diqqətə çatdırılıb ki, bu gün BAMF vətəndaş cəmiyyəti və medianın inkişafı prosesində yaxından iştirak edir, müharibədən əziyyət çəkmiş regionlarda sosial, iqtisadi proqramlar həyata keçirir. BAMF-ın fəaliyyəti, eyni zamanda, Azərbaycanda vətəndaş cəmiyyətinin inkişafının səviyyəsini göstərən uğurlu nəticələrdən biridir.

Xanım Selin Şenocak bildirib ki, BMT və onun agentlikləri Azərbaycanın vətəndaş cəmiyyəti institutları ilə əməkdaşlığa çox müsbət yanaşır və bu istiqamətdə zəruri dəstəyi göstərməyə hazırdır.
Geri dön