Rusiya orbitə raket göndərdi
29-05-2016, 14:28. Yazar: Xeberaz
Qlonass-M” naviqasiya sputniki ilə təchiz edilmiş “Soyuz-2.1b” raketdaşıyıcısı Arxangelsk vilayətinin Plesesk kosmodromundan Moskva vaxti ilə 11.45-də kosmosa buraxılıb.
"Xəbəraz.az " xəbər verir ki, bu haqda məlumatı Rusiya Müdafiə Nazirliyi yayıb. Raketin fəzaya buraxılması ilə bağlı start öncəsi əməliyyatların və startın uğurla həyata keçirildiyi bildirilir.
Bu, 2016-cı ildə Pleseskdən buraxılmış bu tipli üçüncü raketdir. “Qlonass-M” sputnikinin orbitə göndərilməsinin məqsədi Rusiyanın orbital QLONASS naviqasiya sisteminin fəaliyyətini optimallaşdırmaqdır.
“Roskosmos” Naviqasiya Kosmik Sistemləri Dövlət Koorporasiyasının departament müdiri Andrey Volkovun sözlərinə görə, ilin sonunadək bu tipli daha 7 raketin kosmosa göndərilməsi planlaşdırılır.
Geri dön