Rusiya ən yaxın qardaşına güzəşt etmədi
27-05-2016, 18:39. Yazar: Xeberaz
Rusiya Belarusa satdığı qazın qiymətində endirim etməyəcək.
"Xəbəraz.az " xəbər verir ki, bunu jurnalistlərə açıqlamasında Rusiya Energetika naziri Aleksandr Novak söyləyib. Onun sözlərinə görə, tərəflər arasında bu məsələ müzakirə edilmir:
“Bizim mövqeyimiz ondan ibarətdir ki, “Qazprom”la “Beltransqaz” arasında 2015-2016-cı illərdə ölkəyə qaz tədarükü ilə bağlı müqavilə imzalanıb. Burada artıq formul müəyyənləşdirilib. Bu müqavilə ləğv edilməyib və buna görə Minsk 2016-cı ildə də ödənişlər etməlidir”.
Qeyd edək ki, “Beltransqaz” “Qazprom”un törəmə şirkətidir. Moskva Belarusa qazı 142 dollara satır. Minsk isə bununla razılaşmır və 80 dolları daha ədalətli qiymət hesab edir.
Geri dön