Obama yapon xalqından üzr istədi
26-05-2016, 22:29. Yazar: Xeberaz
G7 zirvəsi üçün Yaponiyaya gedən ABŞ Prezidenti Barak Obama bu ölkənin Baş naziri Şinzo Abe ilə görüşüb.
"Xəbəraz.az " xəbər verir ki, görüşdən sonra mətbuat konfransında çıxış edən Obama ABŞ ordusunun keçmiş zabiti Kennet Franklin Şinzato tərəfindən öldürülən gənc qadını xatırladıb.
Baş verən hadisənin bütün yapon xalqında dərin sarsıntı yaratdığını deyən Obama Şinzo Abedən üzr istəyib.
ABŞ prezidenti bir müddət öncə Xirosimaya atılan atom bombası səbəbindən yapon xalqından üzr istəməyəcəyini açıqlamışdı.
Xatırladaq ki, sözügedən cinayətə görə ABŞ Müdafiə naziri Eşton Karter də yaponiyalı həmkarı Qen Nakatanidən üzr istəyib. Pentaqon rəhbəri cinayətin araşdırılması işində Yaponiyaya yaxından köməklik göstəriləcəyini və belə halların təkrarlanmaması üçün tədbirlər görüləcəyini deyib.
Geri dön