Dünya nəhəngi: “Neft erası bitməyib”
26-05-2016, 21:32. Yazar: Xeberaz
Neft nəhəngi “Ekson Mobil”in rəhbəri Reks Tillerson neft hasilatının ixtisarını bəşəriyyət üçün qeyri-məqbul adlandırıb.
"Xəbəraz.az " BBC-yə istinadən xəbər verir ki, çərşənbə günü Dallasda keçirilən qalmaqallı illik iclasda danışan Tillerson iqlim dəyişikliyinə qarşı bir sıra təklifləri qətiyyətlə rədd edib.
O, şirkətin “yaşıl texnologiyalara” 7 milyard dollar xərclədiyini, lakin alimlərin qazıntı yanacağına ehtiyacı aradan qaldıracaq kəşflər edə bilmədiyini gizlətməyib.
“Belə bir şəraitdə neft istehsalını dayandırmaq bəşəriyyət üçün qeyri-məqbul bir hərəkət olardı. Onlar istəsələr də, istəməsələr də dünya qazıntı yanacağından istifadəni davam etdirməli olacağıq”, - şirkət rəhbəri qeyd edib.
Tillersonun çıxışı 2040-cı ilədək neft və qazın dünya enerjisinin 60 faizini verməkdə davam edəcəyi proqnozunu doğruldur.
Geri dön