Binəli Yıldırım rəsmən AKP sədri seçildi - Yeniləndi
22-05-2016, 17:51. Yazar: Xeberaz
Bu gün Bakı vaxtı ilə saat 11-də Türkiyənin Ədalət və İnkişaf Partiyasının (AKP) fövqəladə qurultayı başlayacaq.
"Xəbəraz.az " xəbər verir ki, qurultay Ankara Arena İdman sarayında baş tutacaq.
Əhməd Davudoğlu qurultayda sonuncu dəfə Baş nazir və partiya sədri kimi çıxış edərək vidalaşacaq.
6 min insanın çağırıldığı qurultaya Misir, Banqladeş və Rusiyanın Ankaradakı səfirləri, o cümlədən, HDP rəsmiləri dəvət olunmayıb.
Qeyd edək ki, partiya sədrliyinə yeganə namizəd Binəli Yıldırımdır.
***
Türkiyənin nəqliyyat və rabitə naziri, İzmir millət vəkili Binəli Yıldırım AKP-nin yeni sədri seçilib. Tək namizəd olan Yıldırım partiya üzvlərinin 1405 səsini qazanıb.
Prezident Rəcəb Tayyib Ərdoğanın bu gün axşam saatlarında yeni hökuməti formalaşdırması üçün Binəli Yıldırıma icazə verməsi gözlənilir.
Geri dön