"Aztelekom"dakı nasazlıq aradan qaldırıldı
17-05-2016, 20:17. Yazar: Xeberaz
Mayın 17-də günorta saatlarında “Aztelekom” MMC Beynəlxalq Stansiyasında yaranmış texniki nasazlıq mütəxəssislər tərəfindən aradan qaldırılıb.
“Aztelekom”dan AzərTac-a bildirilib ki, kanallarda yaranmış problem həmin saatlarda abunəçilər tərəfindən zəng etmə cəhdlərinin çox olması xətlərin yüklənməsinə səbəb olmuşdur.
Bu cür problemlərin gələcəkdə baş verməməsi üçün hazırda IP əsaslı multimedia platforması üzərində iki müasir beynəlxalq stansiya qurulur.
Ən son texniki imkanlara malik olan stansiyalar paralel işləməklə yanaşı, hər hansı problem yarandığı təqdirdə həmin stansiyalardan biri digərinin trafik yükünü tam şəkildə ödəyə biləcək.
Mövcud olan hazırkı stansiya isə üçüncü stansiya kimi fəaliyyətini davam etdirəcək.
Geri dön