İran və Azərbaycan hərbi təlimlərə başlaya bilər
15-05-2016, 20:41. Yazar: Xeberaz
İran və Azərbaycanın hərbi dəniz qüvvələri Xəzər dənizi hövzəsində hərbi təlimlər keçirə bilər.
Report xəbər verir ki, bunu İranın Hərbi Dəniz Qüvvələrinin komandanı Qulam Rza Bikam deyib.
O bildirib ki, İran Azərbaycanla sıx əlaqələrə malikdir və Tehran, həmçinin Xəzər regionunun digər ölkələri ilə dənizin hövzəsində birgə təlimlərin keçirilməsinə dair saziş üçün əməkdaşlıq edir.
Qeyd edək ki, Tehran rəsmisi həmçinin İran və Rusiya müdafiə idarələrinin dəniz donanması üçün texnika tədarükü üzrə müqavilənin imzalanmasına dair danışıqlar apardığını bildirib. Admiralın sözlərinə görə, sazişə Tehran tərəfindən dənizdə xilasetmə əməliyyatlarının keçirilməsi və təcili yardım göstərmək üçün avadanlıqların alınması daxildir.
Geri dön