İrəvan özünü Moskva qarşısında ifşa etdi
15-05-2016, 17:26. Yazar: Xeberaz
Dünən başa çatan “Avroviziya” yarışmasında Ermənistan özünü Rusiya qarşısında tam ifşa etdi.
"Xəbəraz.az "xəbər verir ki, bu sözləri millət vəkili Aydın Mirzəzadə Feysbuk səhifəsində qeyd edib.
“Rusiya hesabına mövcud olan forpost dövlət böyük qardaşının nümayəndəsinin ifasına 2 bal verməklə ona öz dostluğunun əsl qiymətini verdi. Ermənistan sadaqətli dost olmadığını, daima güclü yanı axtardığını bir daha sübut etdi. Şübhə etmirəm ki, nə zamansa Ermənistan Azərbaycana da 12 bal verəcək. Dostluq üçün yox, bizim etibarımızı qazanmaq üçün.
Rusiyaya 12 bal verməklə Azərbaycan cəmiyyəti qonşu dövlətə münasibətə yüksək önəm verdiyini və bunun əvəzində heç nə ummadığını söylədi. Birinci dəfə deyil ki, Azərbaycan Rusiya təmsilçisinə yüksək bal verir. Onun bu ilki nümayəndəsi Sergey Lazarevin “Sən yeganəsən” (You Are the Only One) mahnısı və səhnə tərtibatı doğrudan da diqqəti çəkən idi.
Mən də onun hesabına səs göndərdim”.
Geri dön