Fransa Afrikada əməliyyatları dayandırdı - Səbəb
14-05-2016, 19:46. Yazar: Xeberaz
Fransa Prezidenti Fransua Olland Mərkəzi Afrika Respublikasında sabitliyi bərpa etmək üçün aparılan Sanqaris əməliyyatının başa çatdığını bildirib.
"Xəbəraz.az " xəbər verir ki, o bu barədə Mərkəzi Afrika Respublikasının paytaxtı Banquidə çıxışı zamanı deyib. Afrikalı həmkarı Fosten Tuadera ilə görüşündən sonra mətbuat nümayəndələrinin suallarını cavablandıran Olland ölkəsinin təhlükəsizliyinin gücləndirilməsi üçün belə bir addım atdığını qeyd edib:
“Mənim vəzifəm Fransanın burada 2013-cü ildə başlatdığı Sanqaris əməliyyatlarını dayandırmaqdır. Çünki Fransa ordusu başqa cəbhələrdə möhkəmlənməlidir. Terrorla üz-üzə qalan ölkəmizin təhlükəsizliyi üçün bu qərarı verdim”.
Qeyd edək ki, Fransa Mərkəzi Afrika Respublikasındakı gərginliyi aradan qaldırmaq üçün 2013-cü ilin aprelində BMT-nin razılığı ilə əməliyyatlara başlamışdı.
Geri dön