Ana Sayfa > Karusel / Hadisə / M2 > Rüstəmxanlının qardaşı saxlanıldı - İnterpol

Rüstəmxanlının qardaşı saxlanıldı - İnterpol


13-05-2016, 21:50. Yazar: Xeberaz
Rüstəmxanlının qardaşı saxlanıldı - İnterpol
Azərbaycan Miqrasiya Mərkəzi İctimai Birliyinin rəhbəri, keçmiş polis rəisi, VHP sədri Sabir Rüstəmxanlının qardaşı Əlövsət Əliyevin bu günlərdə Ukraynada saxlanıldığı məlumatı yayılıb.

Bunu Ə.Əliyevin qardaşı, “Qanun” Nəşrlər Evinin sahibi Şahbaz Xuduoğlu təsdiqləyib.

Ş.Xuduoğlu bildirib ki, qardaşı beynəlxalq axtarışda olduğu üçün saxlanılıb:

"Ukraynada bu işi araşdırdılar. Məhkəmə keçirildi. Və proses zamanı məlum oldu ki, saxlanılması üçün heç bir əsas yoxdur. Prosesə elə oradan vəkil Dmitry Morgun çıxmışdı. Və sonra da azad olundu. Həmin günlər də mən də Əlövsət Əliyevin yanında idim".

Ş.Xuduoğlunun sözlərinə görə, qardaşı hələ də Ukraynadadır. Və tezliklə Almaniyaya dönməyi planlaşdırır.

Qeyd edək ki, Əlövsət Əliyev Almaniyada mühacirətdədir. Onu Daxili İşlər Nazirliyinin generalı Emin Şəkinskinin keçmiş arvadı Gülnarə Şəkinskayanın ölkədən qaçırılmasında günahlandırırdılar.
Geri dön