Bakı sakini ölüm ayağında polisi aldatdı
13-05-2016, 19:00. Yazar: Xeberaz
Mayın 11-də Pirallahı rayon sakini Namiq Balayev kəsilmiş-deşilmiş xəsarətlə xəstəxanaya gətirilib və orada ölüb.
Daxili İşlər nazirliyinin mətbuat xidmətindən verilən məlumata görə, o, xəstəxanaya aparılarkən dəniz sahilində qayığın lövbərinin üstünə yıxılması nəticəsində xəsarət almasını bildirib.
Pirallahı RPŞ faktla əlaqədar Cinayət Məcəlləsinin 124-cü (ehtiyatsızlıqdan adam öldürmə) maddəsi ilə cinayət işi başlayıb. Araşdırmalar zamanı müəyyən edilib ki, mərhum polisə həqiqəti deməyib, belə ki, N.Balayevə xəsarətin Bakı şəhər sakini, əvvəllər məhkum olunmuş Vidaddin İbrahimov tərəfindən yetirilməsi müəyyən edilib.
Pirallahı RPŞ əməkdaşlarının həyata keçirdikləri əməliyyat-axtarış tədbirləri nəticəsində V.İbrahimov həbs edilib.
Geri dön