Sabunçu və Gəncədə yol qəzası: Ölənlər var
13-05-2016, 17:12. Yazar: Xeberaz
Sabunçu qəsəbəsi ərazisində yol-nəqliyyat hadisəsi baş verib.
Daxili İşlər Nazirliyinin mətbuat xidmətindən "Xəbəraz.az "-a verilən məlumata görə, ayın 12-də saat 13 radələrində Sabunçu qəsəbəsi ərazisində Bakı şəhər sakini Babək Rəhimov idarə etdiyi “Mersedes” markalı avtomobillə (evakuator) yolu keçən 20-25 yaşlı qadını vurub.
Xəstəxanaya yerləşdirilən qadın orada ölüb.
Başqa bir yol-nəqliyyat hadisəsi isə Gəncə şəhəri ərazisində baş verib.
Mayın 13-də saat 04 radələrində şəhər sakini C.Əliyev idarə etdiyi VAZ-21074 markalı avtomobili yolun kənarındakı ağaca vurub.
Nəticədə sürücü hadisə yerində ölüb, sərnişin isə xəstəxanaya yerləşdirilib.
Hər iki faktla bağlı araşdırma aparılır.
Geri dön