Yarım saniyəyə dolan akkumulyator yaradıldı
9-05-2016, 14:25. Yazar: Xeberaz
Oslo Universitetinin alimləri cihazları yarım saniyəyə doldura bilən akkumulyator yaradıblar.
İKT.lent.az-ın “Clean Technica” nəşrinə istinadən məlumatına görə, bu, olduqca aşağı tutuma malik akkumulyatordur.
Professor Ola Nilsen və universitetin məzunu Knut Byarne Qanqrut batareyanın doldurulmasına lazımi sürəti əldə etmək və onun ölçülərini azaltmaq üçün batareyanın tutumunu qurban vermək qərarına gəliblər.
Tərtibatçılar ictimai nəqliyyat üçün ekoloji təmiz enerji mənbələri yaratmağı planlaşdırırdılar. Akkumulyatorun enerjisi bir dayanacaqdan o birisinə qədər çatır, sonradan avtobuslar xüsusi platformada yenidən doldurulacaq.
Gələcək tədqiqatlarda alimlər uzun məsafəli səfərlər üçün doldurulmanın sürətini həyata keçirməyi və ya birləşdirməyi planlaşdırırlar. Onlar bu batareyanın üzərində 4 ildir ki, çalışıblar.
Bu texnologiya akkumulyator batareyaları sahəsində böyük irəliləyiş ola bilər. Bu, həmçinin nəqliyyatın qidalanması üçün olduqca ucuz enerji mənbəyidir.
Geri dön