Nazir müavinini döydülər
8-05-2016, 20:51. Yazar: Xeberaz
Ukraynanın İqtisadi inkişaf və ticarət nazirinin müavini Yuliya Klimenko ailəsi ilə birgə Kiyevin Pereyaslav-Xmelnitski şəhərində hücuma məruz qalıb.
"Xəbəraz.az " xəbər verir ki, hadisənin baş verməsinə səbəb isə parkinq zamanı anlaşılmazlıq olub.
"Nissan" markalı avtomobilin sürücüsü maşınından düşərək nazir müavininin maşında olan böyük oğlunu vurub və onları təhqir etməyə başlayıb. Avtomobildən düşüb nə baş verdiyini anlamağa çalışan Klimenko və ailəsi bu zaman "Nissan" markalı avtomobilin digər sərnişininin hücumuna məruz qalıb.
Ciddi zədə aldıqlarını deyən Klimenko bütün hadisənin kiçik övladının gözünün önündə baş verdiyini və məsələ ilə bağlı polisdə ifadə verdiklərini bildirib.
Faktla bağlı cinayət işi açılıb.
Geri dön