Rusiya İngiltərənin layihəsini vurdu
6-05-2016, 18:13. Yazar: Xeberaz
İngiltərənin Suriya ilə bağlı BMT Təhlükəsizlıik Şurasında qaldırdığı iddia Rusiyanın veto qoyması səbəbindən qəbul edilməyib.
"Xəbəraz.az " xəbər verir ki, bu barədə Britaniyanın BMT-dəki daimi nümayəndəsi Metyu Raykroft məlumat verib.
Rusiyanın BMT-dəki daimi nümayəndəsi Vitali Çurkin isə jurnalistlərə açıqlamasında bəyanat layihəsini təbliğat vasitəsi adlandırıb.
Xatırladaq ki, Hələbdə rejimin hava hücumları nəticəsində mülki vətəndaşların kütləvi şəkildə həlak olmasından sonra İngiltərə Şuranın təcili yığıncağını çağırıb. Yığıncağın açıq hissəsində İngiltərənin hazırladığı bəyanat üzvlərə təqdim edilib.
Bəyanatda son 12 gündə Hələbdə 280 vətəndaşın həlak olduğu qeyd edilib.
Lakin Rusiya veto qoyaraq bəyanatın qəbuluna imkan verməyib.
Geri dön