Maşına yol verməməyə görə dava - 2 nəfər bıçaqlandı
4-05-2016, 13:11. Yazar: Xeberaz
Gəncədə yol verməmək üstündə mübahisə 2 nəfərin bıçaqlanması ilə yekunlaşıb.
"Xəbəraz.az " Kəpəz TV-yə istinadən xəbər verir ki, hadisə şəhərin Heydər Əliyev prospektində qeydə alınıb. 7 nömrəli marşrut xətti ilə şəhərdaxili sərnişindaşıma fəaliyyəti göstərən sürücü Gəncə şəhər sakini, 29 yaşlı Elşad Həsənovla hələlik adları məlum olmayan 2 nəfər arasında avtomobilə yol verməmək üsündə mübahisə düşüb.
Baş verən hadisə nəticəsində Elşad Həsənov və daha bir nəfər Goranboy sakini, 30 yaşlı Xəyal Abuzərov bıçaqlanıb. Hər iki yaralı dərhal Gəncə şəhər TTYX-ya çatdırılıb. Tibbi yardım göstərilən yaralıların vəziyyəti orta-ağır qiymətləndirilir. Faktla əlaqədar hüquq mühafzə orqanları tərəfindən araşdırmalara başlanılıb.
Geri dön