Onları ABŞ-a qalib gəlmək üçün yetişdirmişik - İran
4-05-2016, 12:43. Yazar: Xeberaz
İranın hərbi təlimlər keçirməsinə hansısa gücün məhdudiyyət tətbiq etməsini qəbul etməyəcəyik.
"Xəbəraz.az "xəbər verir ki, bunu İran mətbuatına açıqlamasında general Hüseyn Səlami söyləyib. Onun sözlərinə görə, Amerika keçmişdəki xətalarını təkrarlamamalı, Tehrana qarşı lazımsız təzyiqlərdən uzaq durmalıdır:
“Amerikalılar bizim donanmamızın təhlükəli qüvvə olduğuna inanırlar. Əlbəttə, bu bir həqiqətdir. Mənə görə amerikalılar ilk dəfə qüvvələrimizin gücünü doğru anlayıblar. Rəsmən elan edirəm ki, biz Amerika üçün təhlükəyik. Biz öz dəniz qüvvələrimizi Amerika kimi dövlətlərin ordusuna qalib gəlmək üçün inkişaf etdirmişik. Bizim bölgədə Vaşinqtondan başqa düşmənimiz yoxdur. Amerika və bölgədəki ortaqlarına xəbərdarlıq edirik ki, əgər bundan sonra da bizi təhdid etməyə davam etsələr, o zaman 1982-ci ildə imzalanan razılaşmadan istifadə edərək, təhdid ünsürü olan hər bir gəminin Hörmüz boğazından keçməsinə izn verməyəcəyik”.
Geri dön