Əməliyyat zamanı Mirkamilin ürəyi dayanıb
2-05-2016, 12:02. Yazar: Xeberaz
Ürəyimdə ağrılar var idi, sol tərəfim keyiyirdi.
"Xəbəraz.az " Axar.az istinadən xəbər verir ki, bu sözləri müğənni Mirkamil Kamilov “ATV maqazin onlarla” verilişində keçirdiyi əməliyyat haqda danışarkən deyib. O, çox çətin günlər keçirdiyini bildirib:
“Bir gün Ramal İsrafilov, anası və mən oturmuşduq. Dedilər ki, İrana gedirik. Mən də onlarla getdim, həkim müayinəsindən keçdim. Əməliyyat məsləhət gördülər, beləcə, əməliyyata girdim. Ürək əməliyyatına narkozsuz girdim. Əməliyyat sırasında iki-üç dəfə yerimdən tullandım. Qışqırırdım, tuturdular, ürəyimin içinə simlər salırdılar. Dünyada bundan dəhşətli ağrı yoxdur. Əməliyyat zamanı ürəyim dayandı, gözlərim qaraldı. Həkimlər məni güclə həyata qaytardılar”.
Geri dön