“Həyacan” siqnalı ilə qaldırılaraq,döyüş qabiliyyəti və manevr imkanları yoxlanılır.
21-04-2015, 20:10. Yazar: Xeberaz
Bəzi elektron kütləvi informasiya vasitələrində və sosial şəbəkələrdə hərbi texnikanın, canlı qüvvənin hərəkəti ilə bağlı video görüntülər yayılıb.
Xeberaz.az xəbər verir ki, Müdafiə Nazirliyinin saytında verilən məlumatına görə, nazirlik rəsmi olaraq bildirir ki, hərbi hissələrin, döyüş texnikasının, şəxsi heyətin və digər hərbi elementlərin dislokasiya yerinin dəyişməsi, əvəzlənməsi və yenilənməsi Silahlı Qüvvələrin komandanlığının səlahiyyətləri çərçivəsindədir və əvvəlcədən təsdiq edilmiş plana uyğun olaraq həyata keçirilir.
Müdafiə Nazirliyi bəyan edir ki, qoşunların döyüş hazırlığı səviyyəsinin yoxlanılması məqsədilə müdafiə nazirinin əmrinə və Silahlı Qüvvələrin Baş Qərargah rəisinin sərəncamına əsasən, hərbi hissə və birləşmələr planlı şəkildə “Həyacan” siqnalı ilə qaldırılaraq, onların döyüş qabiliyyəti və manevr imkanları yoxlanılır.
Geri dön