Cinayətkar dəstə ifşa olundu
26-04-2016, 14:40. Yazar: Xeberaz
Paytaxtda quldurluq edən dəstə yaxalanıb.
Daxili İşlər Nazirliyinin (DİN) mətbuat xidmətindən "Xəbəraz.az "-a verilən məlumata görə, aprelin 24-də Nəsimi rayonunun D.Əliyeva küçəsində şəxsiyyəti məlum olmayan 2 nəfər Bakı şəhər sakini Arzu Qafarovanı bıçaqla hədələyib pul verməsini tələb edib. Lakin səs-küy yarandığından istədiklərinə nail ola bilməyib hadisə yerini tərk ediblər.
Nəsimi RPİ 22-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən Saatlı rayon sakini Asim Əliyev və Ağsu rayon sakini Amal Allahverdiyev tutulublar.
Onlardan 1 ədəd bıçaq, 1 ədəd alışqan tapança, 2 cüt əlcək, 4 ədəd plastik xamut və 2 ədəd tibbi maska götürülüb.
Geri dön