Erməni deputatlar Rusiyanın Gümrüdəki hərbi bazasını yoxlamaq qərarına gəliblər
20-04-2016, 12:30. Yazar: Xeberaz
Ermənistan Milli Məclisinin Müdafiə, milli təhlükəsizlik və daxili işlər üzrə daimi komissiyasının üzvləri Gümrüdə yerləşən Rusiya hərbi bazasını ziyarət etmək niyyətindədirlər.
Virtualaz.org Ermənistanın “Aykakan Jamanak” qəzetinə istinadən xəbər verir ki, ziyarətdə məqsəd bazaya vəd edilmiş müasir silahların gətirilib-gətirilməməsini yoxlamaqdır.
“Bununla erməni deputatlar 102-ci Rusiya hərbi bazasının 1994-cü ildə Ermənistan ərazisində yerləşdirilməklə əlaqədar imzalanmış müqavilə ilə öhdəsinə düşən vəzifələri yerinə yetirə bilmək iqtidarında olub-olmamasını dəqiqləşdirmək istəyirlər. Komissiyanın sədri Koryun Naqapetyan müxbirimizlə söhbətində belə bir səfərin planlaşdırıldığını təsdiqləyib, lakin konkret tarix deməyib”, - qəzet belə yazır.
Geri dön