Ana Sayfa > Karusel / Dünya / M2 > Ermənistanda yoxsulluq səviyyəsi 76 faizi keçdi
Ermənistanda yoxsulluq səviyyəsi 76 faizi keçdi19-04-2016, 14:36. Yazar: Xeberaz |
Ermənistanda əhalinin 76%-i bir gündə 5 dollardan az pul xərcləyir. Bu barədə Dünya Bankının bir neçə gün əvvəl dərc edilmiş hesabatında bildirilib. Ermənistanın “168 jam” qəzetinin yazdığına görə, Dünya Bankında gündə 5 dollardan az pul xərcləyən insanlar yoxsul hesab edilirlər. Qəzetdə qeyd olunur ki, Dünya Bankı yoxsulluq meyarını iki göstərici ilə müəyyənləşdirir: birincisi, günə 2,5 dollar, ikincisi, günə 5 dollar xərcləmək. 2,5 dollar göstəricisinə görə, 2014-cü ildə Ermənistanda yoxsulluğun səviyyəsi 26 faiz olub. 5 dollar göstəricisinə görə isə əhalinin 76 faizi yoxsuldur və bu, əhalinin ¾ hissəsini təşkil edir. Xatırladaq ki, Milli Statistika Xidmətinin məlumatına əsasən, Ermənistanda yoxsulluğun səviyyəsi 2014-cü ilin sonunda ölkə əhalisinin 30 faizini əhatə edib (2013-cü ilin eyni dövrü ilə müqayisədə 2% azalıb). Milli Statistika Xidmətinin metodologiyasına görə, yetkinlik yaşına çatan və gəliri 40264 dramdan aşağı olanlar yoxsul hesab edilir. Geri dön |