Ümumdünya Mədəniyyətlərarası Dialoq Forumunun təqdimat mərasimi təşkil olunacaq
18-04-2015, 02:28. Yazar: Xeberaz
2015-ci ilin 21-22 aprel tarixində Parisdə keçiriləcək YUNESKO İcraiyyə Şurasının plenar sessiyası çərçivəsində cari ilin may ayında Bakıda keçiriləcək “Müştərək təhlükəsizliyimiz naminə mədəniyyətləri paylaşaq” devizi altında 3-cü Ümumdünya Mədəniyyətlərarası Dialoq Forumunun təqdimat mərasimi təşkil olunacaq və film nümayiş ediləcək.
Xeberaz.az Mədəniyyət və Turizm Nazirliyinə istinadən məlumatına görə, sessiyada YUNESKO-nun baş direktoru İrina Bokova, YUNESKO Baş konfransı və İcraiyyə Şurasının prezidentləri və YUNESKO-ya üzv ölkələrin səfirlərinin iştirakı gözlənilir.
Tədbir çərçivəsində “Bakı prosesi” barədə xüsusi sərgi təşkil olunacaq, eyni zamanda, Azərbaycanın mədəniyyət və turizm imkanları nümayiş etdiriləcək.
Geri dön