HACI ZEYNALABDİN QƏSƏBƏSİNDƏ NOVRUZ ŞƏNLİYİ FOTOLAR
19-03-2016, 15:50. Yazar: Xeberaz
Bu gün Sumqayıt şəhəri Hacı Zeynalabdin qəsəbəsində Novruzun gəlişinə həsr olunmuş bayram şənliyi böyük coşqu ilə keçirilib.
"Xəbəraz.az " xəbər verir ki, Novruzun gəlişinə ciddi hazırlaşan qəsəbə sakinləri baharı milli musiqi sədaları altında böyük sevinc və ümidlə qarşılayıblar. Qəsəsbənin bədii özfəaliyyət kollektivlərinin çıxışları, Novruzun personajları olan Kosa və Keçəlin iştirakı ilə qədim xalq rəqsləri və oyunlar, idmançıların rəngarəng çıxışları mərasim iştirakçıları tərəfindən maraqla qarşılanıb.
Bayram tədbirində Sumqayıt şəhər başçının müavinləri, Sumqayıt şəhəri Hacı Zeynalabdin qəsəbə Nümayəndəliyi, Hacı Zeynalabdin Bələdiyyəsinin sədri, qəsəbə İcra Nümayəndəliyi aparatının müavini və məsul işçiləri, Hacı Zeynalabdin Bələdiyyəsinin sədr müavini, qəsəbənin idarə, müəssisə və təşkilat rəhbərləri, ağsaqqallar şurasının nümayəndələri də iştirak edirdi.
Tədbirdə yazın gəlişini bildirən bayram tonqalı yandırıldı. Novruz bayramı münasibəti ilə Sumqayıt şəhəri Hacı Zeynalabdin qəsəbə Nümayəndəliyi və Hacı Zeynalabdin Bələdiyyəsi tərəfindən qəsəbənin şəhid ailələri, Qarabağ müharibəsi və Çernobıl əllilərinə, eləcə də aztəminatlı ailələrə bayram sovqatları paylandı.
Bayram tədbiri mədəniyyət və incəsənət nümayəndələrinin təqdim etdikləri geniş konsert proqramı ilə davam etdirildi.
Geri dön