Cüdoçumuz Almaniyada gümüş medal qazandı
20-02-2016, 23:18. Yazar: Xeberaz
Almaniyanın Düsseldorf şəhərində cüdo üzrə Qran-Pri beynəlxalq turniri davam edir.
"Xəbəraz.az " xəbər verir ki, Azərbaycan Cüdo Federasiyasından “Qafqazinfo” verilən məlumata görə, yarışın ikinci günü Azərbaycan milli komandası üçün uğurlu olub. Belə ki, millimiz aktivinə mötəbər turnirin ilk medalını yazdırıb.
73 kq. çəki dərəcəsində çıxış edən Rüstəm Orucov finala gedən yolda belaruslu Aleksey Ramançuk, qazax Didar Həmzə, monqol Xadbatar Naranxu üzərində qələbə qazanıb. Rüstəm yarimfinalda Gürcüstan cüdoçusu, London olimpiadasının qalibi Laşa Şavdatuaşvilini məğlub edib. Lakin həlledici görüşdə Yaponiya təmsilçisi, dünya çempionu Şoşei Onoya uduzaraq Qran-Prinin gümüş medalını qazanıb.
Digər cüdoçularımız – Əbdülhəq Rəsullu və Rüstəm Alimli (hər ikisi 81 kq) mübarizəni erkən dayandırıb.
Geri dön