“Facebook” Ankara terroruna biganə qalmadı
18-02-2016, 12:38. Yazar: Xeberaz
“Facebook” sosial şəbəkəsi fevralın 17-də Türkiyə paytaxtında baş verən terror aktına biganə qalmayıb.
İKT.lent.az-ın xəbərinə görə, şəbəkə terrordan sonra Ankaradakı istifadəçilərə mesaj yollayıb. Mesajda “Yaxşısan? Belə görünür ki, Türkiyənin paytaxtı Ankarada - partlayışdan zərər çəkən bölgədəsən. Güvəndə olduğunu bildirərək bundan dostlarını xəbərdar et. Sən bunu edərkən onlara bu barədə xəbərdarlıq gedəcək”.
İstifadəçilərdən “güvəndəyəm” və ya “həmin bölgədə deyiləm” variantından birini seçmələri də xahiş olunub. Digər istifadəçilərə isə Ankaradakı dostları ilə əlaqə yaratmaq üçün “dostunu ara” variantı təklif edilib.
Qeyd edək ki, 17 fevral axşamı “Facebook”un təqdim etdiyi bu imkandan Ankarada yaşayan bir çox azərbaycanlı da istifadə edib. “Facebook” daha əvvəl Parisdəki və Nigeriyadakı terrordan sonra da istifadəçilər üçün bu imkanı yaratmışdı.
Geri dön