“Bu, ağır, amma şərəfli peşədir“
15-02-2016, 23:21. Yazar: Xeberaz
"Qala" qrupunun rəhbəri Ceyhun Əliyev şou-biznesdə apardığı müharibədən danışıb
Axşam.az xəbər verir ki, “Tezdən oyan” verilişində qonaq olan müğənni etiraflar edib:
“Əvvəllər səhnəyə çıxanda kompleksim yaranırdı. Efir həyəcanı, işıqlar, kameralar - bu asan deyil. Bu sənət çox ağır, amma şərəfli peşədir. Zaman keçsə də içimdəki səmimiyyəti itirməməyə çalışıram. Son zamanlar bəzi sənətçi həmkarlarımız tədbirlərdə az çıxış etməyi düşünür. Hətta ora bilərəkdən gecikirlər. Mənə hətta irad tuturlar ki, "sən niyə vaxtında gəlirsən?".
Bu mənim xasiyyətimdir, məsuliyyət daşıyıram. Amma üzürlü səbəblərə görə, gecikəndə "ulduz xəstəliyinə tutulub" deyirlər. Bu sənətdə həmişə müharibələri sevmişəm. Bunu ilk dəfədir etiraf edirəm. Qalib də gəlirəm. O savaşlarda atdığım səhv addımı ikinci dəfə təkrarlamamağa çalışıram. Burada söhbət söz, musiqi savaşından gedir".
Geri dön