Suriyada 7 İran zabiti öldürüldü - Türkiyənin rəsmi dövlət kanalı məlumat yaydı
11-04-2015, 15:55. Yazar: Xeberaz
Suriyada Iran Inqilab Keşikçiləri Ordusunun 7 yüksək rütbəli zabiti müxaliflər tərəfindən öldürülüb.
Xeberaz.az xəbər verir ki, Türkiyənin rəsmi dövlət telekanalı "TRT Haber"də yer alan məlumatda, onların Suriyada Əsəd qüvvələri ilə birgə dinc sakinlərin yaşadığı məntəqələrə hücum təşkil etdiyi bildirilir.
Xəbəri İranın yarırəsmi Tasnim Xəbər Agentliyi də təsdiqləyib.
Suriyanın hansı bölgəsində öldürülməsinə dair məlumat verilməyən Tahir Hüseyn, Cəmil Hüseyn, Cavid Hüseyn, Bakir Hüseyn, Seyid Rızaşah, Qadir Əli, Qabil Hüseyin adlı İran İnqilab Mühafizəçiləri Ordusu zabitlərinin Qumda dəfn olunduğu qeyd edilir.
Onların İranın Qum şəhərində keçirilən dəfn mərasiminin ardından eyni şəhərdəki Həzrəti Məsumə Qəbiristanlığında torpağa verildiyi bildirilir.
Geri dön