Ana Sayfa > Karusel / Hadisə / M2 > Bakıda oğru dəstəsi zərərsiləşdirildi
Bakıda oğru dəstəsi zərərsiləşdirildi15-02-2016, 13:26. Yazar: Xeberaz |
Polis əməliyyat keçirib. Bakıda mağazalardan oğurluq edən dəstə zərərsizləşdirilib. Bakı şəhər Baş Polis İdarəsindən Oxu.Az-a verilən məlumata görə, fevralın 12-nə keçən gecə, C.Kərimov küçəsində Elşən Rəfiyevə məxsus mağazadan, qapının kilidini sındırmaqla tütün məmulatları oğurlanıb. Bununla əlaqədar Xətai Rayon Polis İdarəsinin 36-cı Polis Bölməsi əməkdaşlarının keçirdiyi əməliyyat-axtarış tədbirləri keçirilib. Polis işçilərinin əməliyyat-axtarış tədbirləri nəticəsində, oğurluqda şübhəli bilinən Bakı şəhər sakinləri - 1987-ci il təvəllüdlü Faiq Mikayılov, 1985-ci il təvəllüdlü Namiq Qurbanov, 1991-ci il təvəllüdlü Anar Kərimov, Sumqayıt şəhər sakinləri - 1988-ci il təvəllüdlü Telman Əhmədov, 1990-cı il təvəllüdlü Nizami Bayramov, 1991-ci il təvəllüdlü Yaqub Qəniyev və əvvəllər məhkum olunan Məhəbbət Əhmədov tutulub. Müəyyən edilib ki, onlar fevralın 12-nə keçən gecə Zığ yolu küçəsində Şahmalı Əlizadəyə məxsus mağazadan, qapını sındırmaqla 740 manat, planşet və ərzaq malları oğurlayıblar. Faktla bağlı araşdırma aparılır. Geri dön |