"İnter"PİK-in prezidenti azarkeşlərlə görüşdü
5-02-2016, 19:36. Yazar: Xeberaz
Bu gün "İnter" PİK-in prezidenti Rəşad Qasımov "İnter" Azarkeş Klubunun üzvləri ilə görüşdü.
"İnter Arena" stadionunun mətbuat konfransı zalında baş tutan görüşdə Rəşad Qasımov "İnter" komandasına göstərdikləri dəstəyə görə azarkeşlərə minnətdarlığını bildirdi. Azarkeş klubları arasında münasibətlərin yüksək səviyyədə saxlanılmasının vacibliyinə toxunan klub prezidenti əlavə etdi ki, "İnter" azarkeşləri oyunlarda komandalarını həmişə olduğu kimi dəstəkləməli, oyunlar zamanı ümumi futbol atmosferini pozacaq hərəkətlərə və şüarlara yol verməməlidirlər. "İnter" Azarkeş Klubu üzvlərinin indiyədək ciddi insidentlərə yol vermədiklərini alqışlayan Rəşad Qasımov belə xoş tendensiyanın bundan sonra da davam edəcəyinə əmin olduğunu vurğuladı.
Görüşdə azarkeşləri maraqlandıran bir sıra məsələlər ətrafında da müzakirələr aparıldı.
Geri dön