Ana Sayfa > Karusel / Gündəm / M2 > Akademik Cəlal Əliyev vəfat etdi
Akademik Cəlal Əliyev vəfat etdi1-02-2016, 12:34. Yazar: Xeberaz |
Fevralın 1-də uzun sürən xəstəlikdən sonra Azərbaycan prezidenti İlham Əliyevin əmisi, akademik Cəlal Əliyev vəfat edib. Bu barədə xəbəri APA agentliyi yayıb Bildirilir ki, akademik uzun sürən xəstəlikdən sonra fevralın 1-də saat 03.00 radələrində 88 yaşında dünyasını dəyişib. Cəlal Əliyev 1928-ci ilin iyun ayının 30-da Naxçıvanda anadan olub. Onun qardaşlarından biri — Heydər Əliyev — Azərbaycan prezidenti, digər iki qardaşı isə — Həsən Əiyev və Aqil Əliyev - Azərbaycan Milli Elmlər Akademiyasının üzvləri olublar. 1980-ci ildə Cəlal Əliyev Azərbaycan Milli Elmlər Akademiyasının həqiqi üzvü seçilib. O, üç dəfə (1995, 2000 və 2005-ci illərdə) Milli Məclisə seçilib. Qeyd edək ki, Mərhum akademiklə vida mərasimi keçiriləcək. Fevralın 1-də dünyasını dəyişmiş görkəmli ictimai xadim, dünya şöhrətli Azərbaycan alimi, Əməkdar elm xadimi, “Şərəf” ordenli, AMEA-nın həqiqi üzvü, biologiya elmləri doktoru, professor Cəlal Əliyevlə vida mərasimi bu gün saat 14:00-da Milli Elmlər Akademiyasının əsas binasında keçiriləcək. Qurumdan daxil olan məlumatda qeyd olunur ki, mərhum 1-ci Fəxri Xiyabanda dəfn olunacaq. Allah rəhmət eləsin! Geri dön |