“Bakıda qarda sürüşən maşın evlərin arasına düşdü - Video
28-01-2016, 02:17. Yazar: Xeberaz
Ötən gün 23 radələrində Bakının Neymət Quliyev küçəsi 10 ünvanında, Əbu Bəkir məscidinin yaxınlığında avtomobil qəzası baş verib.
Xəbəraz.az -ın ans press-ə istinadən məlumatına görə, “Mistubishi Pajero” markalı avtomobil yanacaqdoldurma məntəqəsindən çıxarkən yolların buz bağlaması səbəbindən avtomobil idarəetməni itirərək evlərlə yolun arasındakı boşluğa aşıb.
Həmin ərazidə yaşayan sakinlərin bildirdiyinə görə, yolların buz bağlaması nəticəsində ərazidə artıq ikinci yol qəzasıdır ki, baş verir.
Hadisə şahidlərinin verdiyi məlumata görə, hazırda dövlət yol polisinin əməkdaşları oradadır. Ətrafdakı insanların köməyi ilə sürücü maşından çıxarıla bilib. Xoşbəxtlikdən sürücü hər hansı bir xəsarət almayıb. Avtomobilə isə ciddi ziyan dəyib.
Geri dön