Ana Sayfa > Karusel / Hadisə / M2 > “Günəşli”də ən təhlükəli qaz quyusunda yanğın söndürüldü

“Günəşli”də ən təhlükəli qaz quyusunda yanğın söndürüldü


16-01-2016, 13:58. Yazar: Xeberaz
“Günəşli”də ən təhlükəli qaz quyusunda yanğın söndürüldü
SOCAR məlumat yaydı.

“Günəşli” yatağındakı 10 saylı özüldəki qaz quyularından birində yanğın söndürülüb.

Xəbəraz.az xəbər verir ki, Bu barədə Oxu.Az-a Azərbaycan Dövlət Neft Şirkətinin (SOCAR) mətbuat xidmətindən məlumat verilib.

Məlumata görə, “Günəşli” neft yatağında yerləşən 10 saylı dərin dəniz özülündə baş vermiş qəza nəticəsində yanan quyuların ətrafında deformasiyaya uğramış metal konstruksiyaların kəsilməsi, ərazidən kənarlaşdırılması, eləcə də fontana qarşı mübarizə qrupunun quyular ətrafında sərbəst işləməsi üçün müvafiq strukturlar tərəfindən fasiləsiz tədbirlər həyata keçirilib, yararsız vəziyyətə düşmüş quyuağzı avadanlıqlar kəsilərək çıxarılıb, yeni avadanlıqlar quraşdırıldıqdan sonra platformanın üzərindən quraşdırılmış aqreqatlar vasitəsilə sözügedən quyuya su vurulub:

“Yanğınsöndürənlərin, eləcə də “Azneft” İstehsalat Birliyinin müvafiq strukturlarının əməkdaşlarının gərgin səyləri nəticəsində yanvarın 16-da qaz quyularının ən təhlükəlisində yanğını söndürmək mümkün olub”.

SOCAR-da bildirilib ki, 2015-ci il dekabrın 4-də “Günəşli” neft yatağında yerləşən 10 saylı dərin dəniz özülündə baş vermiş qəza nəticəsində yaranmış yanğının söndürülməsi istiqamətində işlər davam etdirilir.
Geri dön