İranlı hərbçilər amerikalıları diz çökdürdülər - VİDEO
13-01-2016, 22:22. Yazar: Xeberaz
Amerikalı dənizçilərin saxlanılmasının görüntüləri yayılıb.
İran KİV-ləri amerikalı dənizçilərin saxlanılmasının görüntülərini yayıblar.
Xeberaz.az Lifenews-a istinadən xəbər verir ki, videoda görünür ki, amerikalı hərbçilər dizi üstə və əlləri başlarının arxasında saxlanılır.
Xatırladaq ki, bu gün İran İslam Respublikası İran körfəzində ABŞ-ın Hərbi dəniz qüvvələrinə məxsus iki gəmisini saxlayıb.
Qeyd olunur ki, Amerika gəmilərinin heyət üzvləri təlimlərdə iştirak edirlərmiş.
İlkin məlumatlara görə, onlar İran suları ərazisinə gəmilərdə yaranan nasazlıq səbəbindən düşüblər. Hərbi texnikanı İslam Respublikasının sahil mühafizəsi saxlayıb.
ABŞ-ın dövlət katibi Con Kerri artıq İranın rəsmi şəxsləri ilə telefon əlaqəsi yaradaraq dənizçiləri azad etməyə cəhd göstərib.
İran tərəfindən saxlanılan ABŞ HDQ gəmilərinin göyərtəsində 10 dənizçinin olduğu bildirilir.
İranın xarici işlər naziri Məhəmməd Cavad Zərif Con Kerrini telefon söhbəti zamanı hərbi gəmilər ilə bağlı məsələnin tezliklə yoluna qoyulacağına əmin edib.
Geri dön